NA SO HAPINGKIRAN DO PAMBAHENAN NI DEBATA

Khotbah Partangiangan Weyik Kamis, 9 Mei 2007 (Jona 2: 1 – 10)

A. Patujolo

     Didok sada dakdanak Singkola Minggu do tu natoras na, ndang olo be ibana marsingkola minggu, ala pargabus do kakak guru singkola minggu i. “didok si Jona 3 ari 3 borngin di butuha ni ikan na balga (ikan hiu) alai tetap mangolu si Jona”. Dungi dialusi natorsna ma dakdanak i: “toho do i, ai ahu pe songon i do hubege tingki marsingkola minggu dohot tingki pelajaran agama. Alai tahe tasungkun ma jolo Panditanta”

     Tuhan mengutus si Jona(Junus) anak ni si Amita (1:1) tu huta Ninive ima ibukota kerajaan Asyur, asa bertobat nasida sian dosa hajahaton. Ndung tarbagi dua bangso Israel gabe Israel Utara (Israel) dohot Israel Selatan (Juda/Jehuda) ditaban Kerjaan Asyur ma Israel Utara + tahun 722 SebM diboan ma sebahagian bangso Israel Utara tu kota Ninive gabe budak/hatoban. Sedangkan Israel Selatan (Juda) ditaban Kerajaan Babel +753 sebahagian bangso Juda diboan tu Babel gabe hatoban.

     Si Jona sada panurirang sian warga Israel Utara, sogo rohana tu halak Ninive na mambahen Israel Utara hancur. Alani do ndang olo si Jona pasahathon tona ni Debata/Firman Tuhan asa bertobat /muba roha ni nasida, ala na roma uhuman ni Debata tu huta Ninive molo so bertobat nasida.

     Kebencian ni si Jona tu warga Ninive, gabe ndang olo ibana pasahathon tona ni Debata tu Ninive, asa saut uhumon ni Debata nasida. Ido umbahen nabarani si Jona mengelak perintah ni Debata, akhir na sian pelabuhan Joppe (1:3) berangkat ma si Jona tu Tarsis, dompak hasundutan (Barat) ndang tu kota Ninive, dompak habinsaran ni mata ni ari (Timur).

     Di tonga laut, ro ma haba-haba dohot galumbang na gogo, dungi diundi ma ise do na sala umbahen na ro parmaraan, ujung na hona ma si Jona (1:7). Dungi di dabu ma si Jona tu laut, laos dibondut ihan raya (ikan na balga) ma si Jona selama 3 ari 3 borngin dibutuha ni ikan i.

B. Hatorangan ni Turpuk

     Butuha ini ikan raya i, ima inganan na holom, na so adong be hangoluan, molo minta tolong ndang adong na mambege. Songon saring-saring mandolok (gema), mulak muse tu iba soara i. Nang pe songon i ndang adong na mambege, sai jou-jou do si Jona tu Debata Jahowa, gabe dialusi ma ibana (ay3)

     Sian fakta/kejadian/pengalaman pribadi manang pengalaman ni halak pe, hea do terjadi suatu peristiwa yang tidak mungkin “selamat” gabe boi “selamat”, ala dijou Tuhanta i. Dison ma hita sai pasomal-somal diri laho manjou Tuhanta i “Tuhan Jesus tolong saya”. Molo tapasomal-somal manjou Tuhanta i, ujung pamangan ta on secara reflek bekerja sama dohot pikiran dohot tondinta gabe menyatu ma dohot tondi ni Debata. Alana ngolunta on ima hosa n I Debata (1 Musa 1: dung i diullushon Debata Jahowa ma hosa hangoluan tu bagasan igungna). Molo ro mara tu hita secara reflek na ma manjou Tuhan ta i.

     Na so hapingkiran do pambahenan ni Debata tu hita angka na tinompa na. Ndang adong na so tarpatupa Debata, guru dok na do sude. Asa gabe fakta na mangolu/na benar ma na terjadi peristriwa ni si Jona sahat tu saonari. Ndang sungkun-sungkun be hita songon halak Parise/Siboto Surat na manjalo tanda tu Tuhan Jesus (Mat 12:40). Alus ni Tuhan Jesus: “Molo porsea do angka Parise tu si Jona na di bondut ikan 3 ari 3 borngin, ba porsea ma hamu na mulak mangolu do Anak ni Jolma i sian na mate dung 3 ari 3 borngin”.

    Songon ni do nang hita molo persea do hita na mulak mangolu Tuhan Jesus sian na mate dung 3 ari 3 borngin, Porsea do hita disi ? Molo songon i, porsea ma hita tu peristiwa ni si Jona na 3 ari 3 borngin di butuha ni Ikan. Sebalikna tu halak Jahudi na so porsea tu Anak ni Jolma i mangolu sian hamatean dung tolu ari tolu borngin, porsea do hamu ia si Jona 3 ari 3 borngin dibutahan ihan raya ninna Tuhan Jesus (Mat …)..

     Jala on ma alus ni Pandita tu dakdanak singkola minggu , dohot tu hita. Ndang pola be luluan Teori Kemungkinan/fakta/dalil laho mendukung kebenaran na. Memang sai dilului jolma do angka teori kemungkinan, secara science, sah-sah saja. Di Ilmu Fisika, Ilmu Ekonomi adong Teori Kemungkinan. Di peristiwa ni si Jona pe sai adong do ra hita na mandok kemungkina si Jona adorang so di dabu tu laut, diperlengkapi do ibana dohot “tabung pernapasan” Manang nunga mate si Jona waktu diutahon ikan i tu darat, alai dipangolu Debata muse ibana, d n a.

     Alai na jelas, porlu ingotonta tangan ni Debata do na mangurupi si Jona. Ingkon lomo ni roha ni Debata do na saut, ndang adong na boi martabuni sian adopan ni Debata. Songoni do nang hita, ala asi ni roha ni Debata do na paluahon hita sian hagogotan, asal ma ta jou Ibana dibagasan tangiang. Tangiang ima sada komunikasi tu Debata berupa ungkapan mazmur  (puji-pujian) songon si David na dibagasan hagogotan (Maz 139: 1-13)    Amen